Yəhya Abdullalı "Bəs Mənim Payım" PDF

Məlum məsələdir ki, dünyada baş verən qida israfı, ekoloji, iqtisadi, sosial və s. aspektlərdən problemlərə səbəb olur. Belə ki, dünyada milyard tonlarla qida məhsulları hər il israf edilir və atılır. Bu çox acınacaqlı haldır. Buna baxmayaraq müxtəlif inkişaf etmiş dövlətlərdə, Fransa, Almanya, Çin, Türkiyə və s. qida israfı ilə mübarizə məqsədilə müvafiq qanunlar qəbul edilir və bu sahədə digər işlər görülür. Qida banklarının yaradılması, vaxtın bitməsinə az qalmış qidaların aşağı qiymətə satılması, onların ehtiyacı olan şəxslərə verilməsi, bu işləri görən hüquqi şəxslərə həvəsləndirmək və təşəkkür məqsədilə vergi güzəştlərinin edilməsi və s. üstünlüklər, istehlak üçün uyğun olmayan qida və məhsulların gübrə halına salınması və ya heyvan yeminin istehsalı və bu kimi digər işlər görülür.