Reyhan Yusifqızı "Zamanın Əsirləri" PDF

Bu kitab yadplanetli qızın axtarışında olan və zaman maşını ilə uzaq keçmişə düşən iki dostun sərgüzəştlərindən bəhs edir. Əsərin qəhrəmanları ilə birlikdə siz də Daş dövrünün insanları ilə görüşəcək, onların necə yaşadıqlarını biləcəksiniz.

Müəllifin sözü:

Gənc oxucular,

"Yaşıl Gözlü Qız" əsəri nəşr olunandan sonra mən uşaqlarla çox görüşlər keçirdim, məktəblərə getdim, oxucularımın suallarına cavab verdim, arzu və istəklərini dinlədim.

Hər yerdə eyni sualı eşitdim: “Bəs ardı? Sonra nələr olacaq? Yeni kitab yazmayacaqsınız?”

Budur yeni kitab - “Zamanın Əsirləri”. Onun ərsəyə gəlməsində bütün oxucularımın payı var.

Beləliklə, macəralar davam edir. Bu dəfə yadplanetli qızın oxtarışında olan uşaqlar səhvən keçmişə - Daş dövrünə düşür, qədim insanlarla tanış olurlar. Onlar burada da özlərinə dost tapırlar.

Bu maraqlı kitab sizi ulu əcdadlarımızın həyatı ilə yaxından tanış edəcək və kitabın sonuncu səhifəsini çevirəndə sizə çox uzaq və yad olan insanların artıq daha yaxın, daha doğma olduğunu görəcəksiniz.

Uğurlar!