Ağasən Bədəlzadə "Bu dünyanın hər üzünü görmüşəm" PDF

Fitri istedadlı şair, görkəmli ədəbiyyatşünas – alim A.Bədəlzadənin “Bu dünyanın hər üzünü görmüşəm” kitabı gərgin ilhamlı əməyin məhsuludur. Gerçəkliyi öz ziddiyyətləri ilə qavramaq və mənalandırmaq buradakı şeirlərdə lirik ovqatın, lirik təfəkkürün özünəməxsusluğudur. Həyat hadisənin iki əks, təzadlı təzahürünü ifadə etmək A.Bədəlzadə poeziyasının əsas poetik mənalandırma formasıdır. Şair öz təravətli, emosional, parlaq obrazlar silsiləsi, mülayisə və səmimi poetik intonasiya ilə oxucunu heyrətləndirə bilir. Romantik – lirik obrazlı təfəkkürə, fəlsəfi düşüncə tərzinə malik olan şairin qeyri – adi, müstəsna assosiasiyalar törədən fikirləri əlvan, təzadlı hisslər spektri ilə təqdim olunur. Geniş miqyaslı və əhatəli həyəcanlar mənalı və mündəricəli peotik üsullarda yaradılır.