Yasin Xəlil "Şehin Nağılı" PDF

Sokrat: Ey insan, danış səni görüm, deyirdi. Amma mən heç vaxt poeziyaya gəlib özümü göstərmək fi krində olmamışam.Sadəcə ürəyimdəkiləri qələmə alıb içimdə coşan və təbiəti məlum olmayan hissdən azad olmağın zəruriliyinin fərqində olmuşam. Bununla belə, fi krimcə, gözəl, təsirli söz demək bütün işlərin ən cətinidir. Gözəl, dərin mənalı fi kri nizamlı şəkildə demək isə, əlbəttə, böyük adamlara qismət olur. Daha doğrusu, böyük şairlərə. O şairlərə ki, əsərlərini oxuyub riqqətə gəlirsən, matın-qutun quruyur, təsirli məqamları dönədönə təkrarlayırsan və sadəcə, yaxşı mənada paxıllığın tutur. Öz yazdıqlarını onların yazdıqları ilə müqayisə edib utandığından beş-on gün əlinə qələm almırsan, sonra hansısa bir qüvvə səni rahat qoymur, vırnıxırsan və ortaya yenə də istedadına uyğun bir şey çıxarırsan. Özündən olsa yazmazsan, ancaq özündə deyilsən ki, yazırsan və bunun üçün də Yaradana, lütfünə görə şükür eləyirsən. Şükür eliyirsən ki, sən bu yazmaqla fərqlisən, hamı kimi deyilsən və bir anlıq da olsa bəxtəvər olursan...