Camal Zeynaloğlu "Qəfil döyülən qapı" PDF

Oxuculara təqdim olunan bu kitabın müəllifi Azərbaycan Yazıçılar Birliyinin üzvü Xəmal Zeynal oğlu Respublikamızın tanınmış yazıçılarındandır. Mən deyərdim ki, o, ən məhsuldar nasirlərdən biridir. İndiyədək onun dalbadal on altı kitabı nəşr edilib və oxuculara çatdırılıb. Həmçinin mən ingilis dili müəllimi olan bu yazıçının dünya klassiklərindən etdiyi tərcümə kitablarını da demirəm. Bu kitabların kəmiyyəti ilə yanaşı, keyfiyyəti də diqqəti cəlb edir. Bir oxucu kimi xoşuma gələn odur ki, X. Zeynal oğlu ədəbi mətnləri sadə və lakonikdir. Səlis və axıcıdır.

X. Zeynal oğlunun bir yazıçı kimi üstün xüsusiyyətlərindən biri də budur ki, o, yazılarında ədəbi şişirtməyə, bədii söz oyununa varmadan realist üslubda öz sözünü deyir və oxucunu yazdıqlarına inandırmağı bacarır. X. Zeynal oğlu dilin bədii ifadə vasitələrindən bacarıqla istifadə etmək texnologiyasına yaxşı bələd olduğundan həyat materialını ədəbi materiala çevirməkdə heç bir çətinlik çəkmir. Sadə, səlis, təmkinli təhkiyəsi ilə bizim oxucu zövqümüzə çox gözəl oxşayır. İstedadlı bir yazıçı kimi X. Zeynal oğlunun mövzu dairəsi genişdir. Məfkurə həyatından isə yazılarının ideyasını ali və bəşəri bir məqsəd – insana məhəbbət, Vətənə sevgi duyğuları təşkil edir. Realist təsvir X. Zeynal oğlunun əsərlərinin əsas xüsusiyyətidir.