Fərqli Görüntüdə: Qatıq Souslu Kartof Resepti

Türkiyə mətbəxindən Salat resepti.
Sıra gəldi kartofla başqa bir salat hazırlamağa. Quru ədviyyatlarla hazırlayacağınız qatıq sousunun kartof salatına çox yaraşacağına əminəm.
Fərqli görünüşdə və qida dəyəri ilə qatıq souslu kartof salatı bir nahar yeməyi də ola bilər
Hazırlayıb dadına, doyumluluğuna özünüz şahid ola bilərsiz.

Kartofun qabığını soymadan orta istilikdə 30 dəqiqə qaynadın.
Bişdikdən sonra qabığını soyub böyük kub şəklində doğrayıb dərin salat qabına qoyun.
Soğanları halqa şəklində,şüyüdləri isə incə doğrayın.
Bənövşəyi kələmi xırda doğradıqdan sonra duzla ovuşdurub,yumşaldıb acısını çıxarın. Duzlu suyun getməsi üçün kələmi süzgəcdə yaxalayın.
Salatın sousunu hazırlamaq üçün kiçik bir qabda zeytun yağı, qatıq, mayonez, xardal, bal, alma sirkəsi, qurudulmuş tərəvəz ədviyyatı və duzu qarışdırın.
Doğranmış göyərtiləri salat qabına töküb kartofla qarışdırdıqdan sonra sousu əlavə edin və kartofun əzilməməsi üçün yenidən qarışdırıb servis edin.


NUŞ OLSUN?.