Azərbaycan Mətbəxindən:Əsl Qarabağ Kətəsi Resepti

Azərbaycan mətbəxindən Şirniyyat resepti.
Azərbaycan mətbəxi ən dadlı və zəngin mətbəxlərdən biridir. Mir.az milli şirniyyatlarla zəngin Azərbaycan mətbəxindən Qarabağ bölgəsinə məxsus əsl Qarabağ kətəsinin reseptini təqdim edir.

Oparanı hazırlamaq üçün un, maya, isti süd, şəkər tozu və duzu bir qabda qarışdırıb mayalanması üçün 15 dəqiqəlik isti yerə qoyun.
Başqa bir qabda yumurta və şəkər tozunu mikserlə çırpıb üzərinə kərə yağı və vanil töküb yaxşıca çalın. Daha sonra mayalanmış oparanı da töküb qarışdırın.Unu da tədricən tökərək yumşaq xəmir yoğurun və isti yerə 1 saatlıq acımağa qoyun.
İçlik üçün donmuş kərə yağını rəndələyib üzərinə şəkər kirşanı, vanil və apardığı qədər un töküb ovun və 45 dəqiqəlik soyuducuya yerləşdirin.
Xəmiri 5 kündəyə bölün. Unlanmış dəzgaha kündəni yayıb ərinmiş yağla yağlayın.
İçliyi soyuducudan çıxarın və 5 hissəyə ayırıb birinci hissəsini yaydığınız xəmirin üzərinə yayın və kənarlarını orta hissəsinə gətirərək bükün.
Kətəni unlu dəzgaha çevirib yüngülcə oxlovla yayın. Kənarlarına dairəvi və ya kvadrat forma verib,üzərinə yumurta sarısı çəkib,çəngəllə şəkil verib bir neçə yerindən deşin. Əvvəlcədən 160 dərəcə qızdırılmış sobada 20-25 dəqiqə bişirin. Eyni qayda ilə qalan kündələri də yayıb içliklə doldurub bişirin.


NUŞ OLSUN ?.