Pəhrizdə Olanlar 1 Addım Önə : Şəkərsiz Paxlava Resepti

Türkiyə mətbəxindən Şirniyyat resepti.
Paxlava şirniyyatını sevirsiniz, ancaq çəkinizə nəzarət edirsinizsə az kalorili şəkərsiz paxlava hazırlaya bilərsiniz. Mir.az şərbətli paxlava reseptlərindən daha az kalorili və daha sağlam olan şəkərsiz paxlavanın reseptini təqdim edir.

Xəmiri hazırlamaq üçün dərin bir qaba un,yumurta,qatıq, süd ,duz və 2 qaşıq zeytun yağı əlavə edib qarışdırın. Qabartma tozuna 1-2 damcı limon suyu töküb xəmirə əlavə edib yoğurun. Xəmiri desert qaşığı ilə 20 bərabər hissəyə bölüb top halına gətirin. Kündələri nişastanın köməyi ilə nəlbəki böyüklüyündə oxlovla açıb 5 ədəd üst-üstə qoyub 4 dəstəyə bölün. Bu 4 dəstə paxlava qatları olacaq. Daha sonra üst-üstə qoyub 5 ədədi diametri 20 sm dairələr açın.
Soba sinisinə yağlı kağız sərib 1 qat yuxa və 1 qat xırdalanmış qoz səpin. Bu qaydayla hazırlayıb paxlava formasında kəsin. Paxlavanı 1 xörək qaşığı zeytun yağı ilə yağlayıb əvvəlcədən 170 dərəcə qızdırılmış sobada 45 dəqiqə bişirin.
Şərbəti hazırlamaq üçün 2,5 stəkan ilıq suya 3 xörək qaşığı bal əlavə edin və bal həll olunana qədər yaxşıca qarışdırın. Paxlava bişdikdən 5 dəqiqə sonra soyuq şərbətdə isladın. Şəkərsiz paxlavanı şərbət ilə süfrəyə verə bilərsiniz.

NUŞ OLSUN😋.