Darçın Qoxulu : Almalı Bulud Çörəyi Resepti

Türkiyə mətbəxindən Şirniyyat resepti.
İngilis ənənəvi yorkşir pudinqi reseptindən ilham alaraq, biz onu şirin muffin reseptinə çevirdik və lazımi mövsümdə alma ilə ədviyyatlı içlik hazırladıq. Yumşaq teksturası və üzərindəki pudra şəkəri ilə qış mövsümündə süfrələrinizə yaraşacaq.
Mir.az asan hazırlanması və forması ilə qonaqlarınızı təəccübləndirəcək almalı bulud çörəyi reseptini təqdim edir.

Yumurtaları yaxşıca çalıb üzərinə süd, şəkər tozu və duz əlavə edib çalmağa davam edin.
Sonda unu əlavə edib qarışdırın və 1 saat soyuducuya yerləşdirin.
Muffin kek qablarının hər birini 1 xörək qaşığı yağla yağlayıb 220 dərəcədə sobada 10 dəqiqə qızdırın.
Sonra xəmiri yarıya qədər muffin qablarını tökün və sobada 220 dərəcədə 20 dəqiqə bişirin.
Almalı içlik üçün almaları kub formasında doğrayın. Üzərinə şəkər tozu, qoz, limon suyu və limon qabığını əlavə edib tavada yumşalana qədər bişirin və ocaqdan almamışdan əvvəl darçın əlavə edin.
Almalı içliyi bişmiş bulud çörəyinin içi boş hissələrinə qoyun və üzərinə pudra şəkər səpib çay və ya qəhvənin yanında süfrəyə verin.

NUŞ OLSUN😋.