Bu Şirniyyat Bir Başqa Aləmdi:Almalı və Darçınlı Asan Şirniyyat Resepti

Türkiyə mətbəxindən Şirniyyat resepti.
Elə şirniyyatlar var ki, yerindən qalxıb, çay dəmləyib qonşularla bir araya gəlməyi tələb edir. Budur, bütün evinizi bürüyəcək ləzzətli qoxusu ilə almalı darçınlı şirniyyat…
Alma, darçın və qozun mükəmməl harmoniyasına qəhvəyi şəkər tozu əlavə edilir. Və bu dadlı içlik xırtıldayan şirniyyatın dadına dad qatır.
Üzərinə pudra şəkər əlavə etdikdən sonra bu ləzzətli dad sizə çay dəmləmək üçün bəhanə yaradacaq. Bu almalı şirniyyat reseptini mütləq reseptlər kitabına əlavə etməlisiz yoxsa çox üzüləcəksiz.

İçliyin hazırlanması:
Almaların qabığını soyub sürtkəcdən keçirin.
Kiçik bir tavaya alma, qəhvəyi şəkər tozu və darçın əlavə edib qaynamağa qoyun. Qaynadıqdan sonra limon sıxıb , qoz əlavə edib almalar bişənə və yumşaq olana qədər qarışdırmağa davam edin.
Almalar yumşaq olduqda ocaqdan götürüb soyumağını gözləyin.
Xəmirin Hazırlanması:
Sobanı 165 dərəcəyə qoyun.
Unu bir qaba ələyib digər inqrediyentləri yavaş-yavaş una əlavə edin.
Bütün inqrediyentləri əlavə etdikdən sonra xəmiri yoğurmağa başlayın və yumşaq ,ələyapışmayan xəmir alınana qədər yoğurun.
Xəmir qulaq məməsi kimi olana qədər un əlavə etməyə davam edin.
Xəmiri streçə büküb 30 dəqiqə soyuducuya qoyun.
Soyumuş xəmiri çıxarıb iki bərabər hissəyə bölün.
İki hissəyə böldüyünüz xəmiri kündələyib oxlovla 1-2 sm qalınlığında nazikləşdirin.
Xəmiri 8 bərabər üçbucağa bölüb,içlik qoyub bükün. Şirniyyatları yağlı kağız sərilmiş soba qabına düzün.
Şirniyyatlar çox qızarmadan sobadan çıxarıb soyuduqdan sonra şəkər tozu səpib süfrəyə verin.


NUŞ OLSUN ?