Edvard O. Vilson "Gənc alimə məktublar" PDF

Hazırda dünya əhalisi 7.5 milyarddır və insan növü fəaliyyəti ilə planetin iqliminə təsir edən, onun qaynaqlarını sonuna qədər istehlak edən və ətraf mühiti, təbiətin özünü bərpa etməsinə imkan tanımadan çirkləndirən yeganə növdür. İnsan, təbiət və onların qarşılıqlı əlaqəsinin anlaşılması birinci növbədə biologiyanın mövzusudur, bizim təbiətdən asılılığımızı və onu məhv etməklə özümüzə quyu qazdığımızı bizə ən yaxşı biologiya göstərir və əsaslandırır. Biologiya həm də bu problemlərdən çıxış yolu axtarmaq üçün bizdə məsuliyyət hissi oyandıracaq başlıca elm sahəsidir.