Fəxrəddin Qasımoğlu "Ruh" PDF

Hörmətli oxucu!

 
Növbəti, bir qədər fərqli üslubda yazdığım romanımı sizlərə təqdim edirəm. Süjet xətti tanınmış iş adamının oğurlanmış on beş yaşlı oğlunun axtarışları üzərində qurulub. Əlbəttə, bu əsərdə də hadisələr artan dinamika ilə cərəyan edir. Amma dediyim kimi, bir qədər fərqli şəkildə. Burada insan psixologiyasının incəliklərinə, insanların özləri də bilmədən onları ələ verən vərdişlərinə yaxşı bələd olan qəhrəmanın müşahidələri diqqət çəkir. Bu işi araşdırmağı üzərinə götürən detektivin diqqətini elə ilk dəqiqələrdən cəlb edən bəzi detallar və müşahidələr əsasında qurduğu fərziyyələri gedişatda təsdiqlənməyə başlayır və nəticədə «təzadh» bir vəziyyət yaranır.

Yaxşı əməliyyatçı müəyyən mənada həm də yaxşı psixoloq olmalıdır. Bəzən insanların bir jesti, sifətində yaranmış ani bir mimikası təcrübəli əməliyyatçıya çox şeydən xəbər verir, yaxud ilk baxışdan «adi» görünən bir suala alman cavab cinayətin açılmasında ipucu olur. Sizə təqdim etdiyim «Ruh» romanında yer almış cinayətin açılmasında məhz bu üsullara daha çox üstünlük vermişəm.

Əsərdəki qırılmış insan taleləri ilə rastlaşarkən bəlkə də hansısa oxucu orada kimisə, və yaxud da, özünü görmüş olsun. Axı hamımız bilirik ki, həyat heç də «bal» deyil və hərəyə özünəməxsus şəkildə «sürpriz»lər yaşadır. Yaşananlar isə bu və ya başqa formada özündən sonra izlər qoyur. Romanın süjeti haqqında bundan artıq danışmaq istəmirəm. Yəqin ki, oxuyarkən nəyi nəzərdə tutduğumu və nəyi «təzadh» adlandırdığımı özünüz başa düşəcəksiniz.

Bir detektivi müəmmalar nə qədər maraqlı edirsə də, istəyirəm biləsiniz ki, cinayətlərin araşdırılması prosesləri-nin reallığı əslində tam fərqlidir və bir başqa cür maraqlıdır. Elə mən də sizə təqdim etdiyim bu romanımı yazarkən həmin fərqliliyə üstünlük vermişəm, oxucuya reallığı və nəyin necə baş verdiyini maksimum olduğu kimi göstərməyə çalışmışam. Ümumiyyətlə, əvvəlki əsərlərimdə də qəhrəmanımı hər şeyi bacaran fövqəlinsana çevirməmişəm, onu sadəcə öz işini yaxşı bilən bir peşəkar kimi təqdim edirəm. Romanlarımdakı hadisələri isə əndazədən çıxarmıram heç vaxt. Detektiv detektiv kimi yazılmalıdır. Əks halda mənim qəhrəmanımın «Hörümçək» filmindəki fantastik qəhrəmanla heç bir fərqi olmaz.

Qəhrəmanım isə xəfiyyə Bəxtiyar Nəzərlidir. O, Daxili İşlər Nazirliyinin Əməliyyat aparatının məktəbini keçmiş istefada olan polis mayorudur. Çiyinləri arxasında on səkkiz illik xidmət illəri və topladığı böyük təcrübəsi olan peşəkar polis zabitidir.

Düşünürəm ki, bu romanım da oxucularım üçün ma-raqlı olacaqdır. Xoş mütaliələr.