Muxtar İmanov "Müasir Azərbaycan nəsrində psixologizm" PDF

Dönə-dönə deyilib ki, 50-ci illərin sonlarından Azərbaycan nəsrində insanın daxili aləmini əks etdirmək meyli güclənib. Müasir Azərbaycan nəsrinə həsr olunan araşdırmalar içərisində az nümunə tapmaq olar ki, həmin meylə bu və ya digər dərəcədə toxunmasın. Ancaq İ. Şıxlı, İ.Hüseynov, S.Əhmədov, Ç.Hüseynov, Ə.Əylisli, Anar, M.İbrahimbəyov, F.Kərimzadə, Y.Səmədoğlu, Elçin, İ.Məlikzadə, M.Süleymanlı və b. yaradıcılığı insan mənəviyyatını əks etdirmək baxımından öyrənildikcə nəsrimizin daha konkret və xüsusi sənətkarlıq məsələlərinin araşdırılmasına ehtiyac yaranır. Psixologizm belə məsələlərdən biridir.

M. Cəfər, Y. Qarayev, A. Hüseynov, Elçin, A. Hacıyev, A. Məmmədov, K. Vəliyev, K. Abdullayev V. Yusifli, N. Cabbarov, V. Quliyev və b. kitab və məqalələrində irəli sürülmüş bir sıra elmi qənaətlər psixologizmin nəsrimizdəki başlıca əlamətlərini, ideya-bədii səviyyəsini və inkişaf istiqamətlərini müəyyənləşdirməyə kömək edir. Şübhəsiz, müasir Azərbaycan nəsrində psixologizmin öyrənilməsini, ümumiyyətlə, bir estetik problem kimi realist psixologizmin tədqiqi tarixindən ayırmaq olmaz. Odur ki, biz yeri gəldikcə Dostoyevski, L. Tolstoy, Çexov kimi psixoloq sənətkarların, eləcə də bir sıra müasir...

Qeyd: Azərbaycan Dillər Universitetinin Magistratura şöbəsinin M20-102 qrupu tərəfindən kiril qrafikasından latın qrafikasına çevirildi.