Alice Roberts "İnsanın İnanılmaz Səyahəti" PDF

Homo sapiens adlanan növümüz dünyaya necə və nə zaman yayıldı?

Demək olar ki, 200 ildir müzakirə olunan bu sual artıq cavabını tapıb.

Atalarımız Afrikadan yola çıxanda planetdə artıq iki insan növü mövcud idi: Avropada Neandertal və Asiyada Homo erectus. Hər ikisi də geniş yayılmış inanışın əksinə olaraq ağıllı idilər, alət və silah düzəltməkdə ustaydılar və uzun müddət ətraf mühitlə uyğun şəkildə yaşamışdılar. Bəs niyə yalnız Homo sapiens sağ qaldı?

Qismən detektiv hekayəsi, qismən səyahət xatirəsi olan bu kitabda Alice Roberts, atalarımızın bu çətinliklərə qarşı fiziki olaraq necə təkamül etdiyini araşdırır. Dərimizin rəngi, bədənimizin forması, ölçüsü, qidalanmamız, xəstəliklərə qarşı müqavimətimiz, hətta atletik qabiliyyətimiz necə inkişaf etdi? Bu kitabda bütün bu suallara cavab tapacaqsınız.

The Guardian:
“Əslində bu kitab genlərin, sümüklərin və daşların hekayəsidir. Alice Roberts planetimizdəki irəliləyişimizin insani tərəfini vurğulayır və bu mürəkkəb, lakin cazibədar hekayəni ustalıqla çatdırır.”

Independent:
“Kim olduğumuz və haradan gəldiyimizə dair dolğun bir portret yaradan İnsanın İnanılmaz Səyahəti, həm elmi, həm də asan başa düşülən bir əsər vəd edir.”

Daily Telegraph:
“Dr. Roberts parlaq, açıq sözlü və ehtiraslı bir ulduzdur.”