Qazan Kababı resepti və hazırlanma qaydası

Azərbaycan mətbəxindən Kabab resepti.
Bəzən insanın könlündən kabab keçsə də, kabab çəkməyə şəraiti olmur. Alternativ olaraq sizlərə qazan kababını təqdim edirik.

1. Əti tikələrə doğrayın. Duz, istiot, zirə vurun.
2. Soğanı təmizləyib halqa və yaxud yarımhalqa doğrayın.
3. Göyərtini yuyub-doğrayın. Quyruğu xırda doğrayın.
4. Qızdırılmış qazanın dibinə düzün. Üstündən ət tikələrini döşəyin.
5. Bir qat soğan döşəyib, üstünə göyərti səpin.
6. Sonra yenə ət döşəyin və ərzaq bitincə layları təkrarlayın.
7. Üstündən isə acı istiotu qoyun.
8. Ətin üstünə qapaq, yaxud dəmir ləyəni kip qoyun.
9. Əgər qapaq kifayət qədər ağır deyilsə və buxar onu qaldıra bilərsə, o zaman üstünə yük qoyun.
10. Qazan kababını vam odda bişirin.
11. Ət yağa düşüb qızarmağa başlayanda xüsusi səs çıxarır.
12. Çalışın, həmin məqamı ötürməyəsiniz: bu zaman qapağı götürüb qarışdırmaq lazımdır.
13. Sonra yenə qapağını örtüb daha 5-10 dəqiqə bişirin. Süfrəyə verərkən üstünə nar dənələyə bilərsiniz. Nuş olsun!