Fərqli Dad: Pendirli Kartoflu Oladi

Avropa mətbəxindən Qəlyanaltı resepti.
Kartoflu pendirli oladi hazırlayıb sevdiklərinizlə bölüşün. Mir.az pendirli oladinin reseptini təqdim edir.

Bişmiş soyumuş kartofun qabığını soyun və rəndənin iri gözündən keçirin. Yaşıl soğanı xırda doğrayın, sarımsağı sarımsaq əzəndən və ya xırda rəndədən keçirin. Bir qabda un, duz və qabartma tozunu qarışdırın. Geniş bir qaba kartof və un qarışığını töküb qarışdırın. Üzərinə yumurta əlavə edib qarışdırın .Daha sonra südü də əlavə edib qarışdırın. Xəmirə bir çimdik istiot, xırda doğranmış göy soğan, pendir və sarımsaq əlavə edib qarışdırın. Xırda doğranmış cəfəri və ya keşnişi də töküb qarışdırın. Tavada yağı qızdırın , xəmirdən 1 qaşıq tavaya töküb iki tərəfli qızardın. Eyni qayda ilə xəmir qurtaranadək bişirin.