Dolu- Dolu Ləzzət : Ətli Kartof Bombası Resepti

Türkiyə mətbəxindən Yemək resepti.
Bu dadlı resepti mütləq sınayın. O qədər iştahaaçandır ki, sadəcə bir ədəd yeyəcəm deyib,hamısını yemə ehtimalınız var.
Çölü xırtıldayan, rəndələnmiş kartof,içərisi isə ləzzətli ,yumşaq ətlə doldurulur.
İstəsəniz ət yerinə pendir də əlavə edərək fərqli dad, aroma ala bilərsiz.

Kartofları sürtkəcdən keçirib suyunu sıxıb qaba qoyun.
Yumurta, duz, istiot və rəndələnmiş holland pendirini əlavə edib qarışdırın.
Yağı tavada qızdırın. Üzərinə xırda kub şəklində doğranmış ət əlavə edib suyu çıxana qədər bişirin.
Doğranmış pomidor, duz, qara istiot və üyüdülmüş qırmızı bibər əlavə edin. Pomidorlar bişəndən sonra bir çimdik doğranmış cəfəri əlavə edib ocaqdan götürün.
Bir kasanı bir neçə dəfə streçləyin. Streç ilə örtülmüş qaba 2-3 qaşıq sürtgəcdən keçirilmiş kartof qarışığından töküb qabın formasını verin.
Orta hissəyə bişirdiyiniz kub ətdən 2 qaşıq əlavə edib streçlə qabdan çıxarıb top formasını verib 20 dəqiqə soyuducuda saxlayıb donduqdan sonra 190 dərəcə sobada 30 dəqiqə bişirin.
Doğranmış soğanları duz və sumaqla ovuşdurub cəfəri əlavə etdikdən sonra sobadan çıxan dadlı kartof bombalarının üzərinə qoyub servis edə bilərsiz.


NUŞ OLSUN ?.