Milli mətbəximizin əvəzedilməz yeməklərindən biri olan Küftə-Bozbaş

Azərbaycan mətbəxindən Yemək resepti.
Mütləqdir ki , hər kəsin evində Küftə -Bozbaş hazırlanır. Hazırlanma qaydası hər bir zonada fərqlidir. Bu reseptdə isə Bakı zonasının Küftə -Bozbaşıdır. Sizdə sınayın. Dadına doya bilməyəcəksiz.

Əvvəlcə ət və soğanı ət maşınında çəkib üzərinə yumru düyü ,yumurta , nanə, mərzə , rehyan ,duz , istiot əlavə edib yaxşıca yoğurun( mütləq küftəni yaxşı yoğurmalısan). Sonra küftələr etməyə başlayın. ( Bu reseptlə 4 küftə alınır. Küftənin böyüklüyünə , kiçik olmasına özünüz qərar verin ).
Kənarda soğanı xırda doğrayıb yağda qovurun. Üzərinə tomat pastası əlavə edib qovurma prosesinə davam edin. Sonra su,noxud ,alça qurusu ,duz və sarıkök əlavə edib qaynamağını gözləyin. Qaydadıqdan sonra hazırlanan küftələri suya salın. Ağzını örtüb qaynamağa buraxın. 15 dəqiqə sonra kartofları içinə atıb yenidən ağzını örtüb kartofun bişməsini gözləyin. Kartof bişdikdən sonra ocağı söndürün ( noxudun da bişdiyindən əmin olun ).
Zövqə görə süfrəyə verən zaman üzərinə quru nanə və qırmızı bibər tozu səpə bilərsiz.

NUŞ OLSUN ?.