Naxçıvan Mətbəxindən Məşhur Daş Küftə Resepti

Azərbaycan mətbəxindən Yemək resepti.
Ət daşı” adlanan xüsusi yasdı daş üstündə döyülən ətdən hazırlanan Naxçıvan mətbəxinin ən məşhur yeməyi. Mir.az ləzzətli və fərqli bişirilmə üsulu ilə Daş küftə reseptini təqdim edir.

Tikə əti 2 saat dayanmadan “ət daşı” adlanan xüsusi yasdı daşın üzərində ağac toxmaqla qiymə halına gələnədək döyün. Qiymə halına düşdükdə üzərinə isladılmış noxud, quyruq, soğan əlavə edib birlikdə döyün. Üzərinə göyərti qurusu ( nanə, mərzə, reyhan, şüyüd və tərxun qurusu) ovun və yumru düyü, duz, istiot, sarıçiçək, yumurta,azca isti su da əlavə edib əllə yaxşıca qarışdırın. Hazır qiyməni bir ovucun içərisinə sığacaq böyüklükdə kündələrə ayrın. Kündələrin içərisinə alça, gavalı və ya albuxara turşusu qoyub yuvarlayın. (Bəzi hallarda isə duzlu yumurta qoyulur). Küftələri qaynar suya salıb bişirib çıxarın. Qazanda qaynayan suya duz, sarıçiçək və ya tomat vurub küftələri də içinə əlavə edib bişirin. Daş küftəsinə bəzi bölgələrdə kartof da vurulur.


NUŞ OLSUN ?.