Türklərin Səhər Yeməyində Vazkeçilməzi: Məşhur Poğaça Resepti

Türkiyə mətbəxindən Poğaça resepti.
Siz hələ də məşhur poğaça yeməməsizsə , bu resept sizin üçündür. Hamının evində olan ərzaqlarla hazırlaya biləcəyi , səhərləri şirinçayın yanından əksik olmayan , pambıq kimi köpən, yumyumşaq poğaçalar bişirə bilərsiz.
Ağzı qapalı qabda günlərlə saxlaya bilərsiz. Və ya xəmir edib günlərlə xəmiri soyiducuda saxlayıb, səhərləri ürəyiniz istəyən zaman hazırlaya bilərsiz.

Böyük bir qaba 1 stəkan ilıq su və 1 stəkan ilıq süd töküb üzərinə 2 paket quru maya və 4 xörək qaşığı şəkər tozu əlavə edib mayanın köpməsi üçün 5 dəqiqə gözləyin.
Maya tam həll edildikdən sonra üzərinə 1 stəkan yağ, 1 yumurta və 2 çay qaşığı duz əlavə edib qarışdırın.
Unu az-az əlavə edib yoğurmağa başlayın. Yumşaq və ələyapışmayan xəmir alındığı zaman üzərini örtüb otaq temperaturunda 40-45 dəqiqə mayalanmağa qoyun.
Mayalanmış xəmirdən yumurta böyüklüyündə parçalar ayırıb ovucunuzda yumru formaya salın.
Soba qabına qoyduğunuz xəmirin üzərinə yumurta sarısı sürtüb,küncüt səpib 10-15 dəqiqə gözləyin. Əvvəlcədən isidilmiş 190 dərəcə sobada 20 dəqiqə bişirin.


NUŞ OLSUN ?.