Türkiyə Mətbəxindən Məşhur İçli Köftə Resepti

Türkiyə mətbəxindən Qəlyanaltı resepti.
Xüsusilə,Türkiyənin Antep, Adana, Malatya və Maraş bölgələrinə tanış olan içli köftə dadı, ədviyyatı və ləzzəti ilə insanı bu bölgələrə köçməyə, oradakılarla yaxın dostluq etməyə, hətta evlənməyə də səbəb ola bilər.
İstəsəniz suda qaynadıb sarımsaqlı qatıqla süfrəyə verə bilərsiniz, istərsəniz də qızarda bilərsiz. Narahat olmayın, içli köftə hazırlamaq üçün bir az çeviklik və bir neçə əsas inqrediyent kifayətdir.
Xüsusilə evdə içliyi hazırlamaqda çətinlik çəkənlər üçün resept mərhələ-mərhələ mir.az saytında verilib. Ət yeməyi sevməsəniz belə, yox deməkdə çətinlik çəkəcəyiniz içli köftə hər saat üçün ideal seçimdir.

içlik hazırlamaq üçün tavaya yağı töküb üzərinə doğranmış soğan və mal ətini əlavə edib qizardın.
Üzərinə duz, istiot və qoz ləpəsi əlavə edib içliyin soyuması üçün kənarda saxlayın.
Kənarını hazırlamaq üçün incə bulqur və mannını dərin bir qaba töküb üzərinə qaynar su əlavə edin və bulqur şişənə qədər 10 dəqiqə gözləyin.
Bulqur və mannı qarışığına tomat pastası, duz və istiot qarışdırıldıqdan sonra unu da əlavə edib xəmir halına gələnə qədər yoğurun.
Hazırladığınız məhlulu ovcunuzun içi qədər götürüb əllərinizi isladın və kənarlarını barmaqlarınızla hamarlayıb ortasında oyuq açın.
Əvvəlcədən hazırladığınız və soyutduğunuz içliyi götürərək köftələri doldurub kənarlarını bağlayın.Kənarlarını bağladıqdan sonra barmaqlarınızla basın ki ucları sivri olsun.
Tavada günəbaxan yağını qızdırın. Hazırladığınız içli köftələri yağda hər iki tərəfi qızılı rəng alana qədər qızardıb isti halda servis edin.


NUŞ OLSUN ?.