Brownie ‘ni xatırladan : Yaş Peçenye Resepti

Türkiyə mətbəxindən Şirniyyat resepti.
Kakaolu peçenyeləri şərbətlə birləşdirərək hazırlanan yaş peçenyelər kakaolu şirniyyat sevənlər üçündür.İsti peçenyelərin islanması kakao dadını gücləndirir və peçenyeni ağızda əriyən edir.Yaş peçenye reseptini çay süfrəniz üçün zövqlə hazırlaya bilər və bu kakaolu peçenyeləri bir fincan qəhvə ilə ,çay ilə şirin qəlyanaltı olaraq da yeyə bilərsiniz.
Braunini xatırladan bu ləzzətli keksləri qısa müddətdə mütləq hazırlamalısız.

Qaba otaq temperaturunda kərə yağı,duru yağ, yumurta, şəkər tozu, kakao, vanilin və qabartma tozunu qoyub bütün maddələr birləşdirilənə qədər qarışdırın.Sonra unu yavaş-yavaş əlavə edib ələ yapışmayan xəmir yoğurun.
Hazırladığınız xəmirdən qoz böyüklüyündə parçalar qoparıb ovucunuzda yumrulayıb barmağınızla ortasına yüngülcə basdıqdan sonra yağlı kağız sərilmiş soba qabına qoyun. Əvvəlcədən isidilmiş 180 dərəcə sobada təxminən 20 dəqiqə bişirin.
Peçenyeləriniz sobada olarkən şərbət üçün lazım olan şəkər tozu və suyu bir qabda qarışdırın.
Peçenyelər sobadan çıxanda 2 dəqiqə gözləyib hazırladığınız şərbətin içinə bir-bir atıb, çevirib süfrəyə qoyun.
Bütün peçenyeləri bu şəkildə şərbətə batırdıqdan sonra qalan şərbəti üzərinə tökün və bütün şərbəti canına çəkənə qədər gözləyin.
Peçenyelər şərbəti canına çəkdikdən sonra üzərini kokosla bəzəyib servis edin.


NUŞ OLSUN ?.