Şərbəti Heç Bişmir: 3 Dəqiqəyə Hazır Olan Süd Şərbətli Keks Resepti

Türkiyə mətbəxindən Şirniyyat resepti.
Mir.az dadlı, asan və süd şərbətli keks reseptini təqdim edir.Yeyən hər kəs dadını, ləzzətini çox sevəcək.

Yumurtanı şəkər tozu ilə çalın.Üzərinə süd, yağ, mannı ,un, qabartma tozu və vanili əlavə edib bütün inqrediyentlər qarışana qədər çalmağa davam edin.
Xəmiri azca yağladığınız kiçik kvadrat şüşə qaba ( borcama ) töküb əvvəlcədən isidilmiş 175 dərəcə sobada təxminən 25 dəqiqə üzəri qızılı rəng alana qədər bişirin.
Keks bişərkən şərbət üçün lazım olan südü ( mütləq otaq temperaturunda olmalıdır ki, şəkər tozu ərisin) bir qaba töküb içinə lazım olan şəkəri əlavə edin və şəkər həll olunana qədər qarışdırın.
Keks sobadan çıxandan 5 dəqiqə sonra hazırladığınız süd şərbətini üstünə tökün və keks şərbəti tamamilə canına çəkənə qədər otaq temperaturunda saxlayın.( Şərbət çox görünsə də narahat olmayın. Keks canına çəkəcək ).
Keks şərbəti tam çəkdikdən sonra soyuducuya qoyub minimum 2 saat gözlədikdən sonra üstünü kokos ilə bəzəyib süfrəyə verin.

NUŞ OLSUN😋.