Azərbaycanın Milli Şirniyyatlarından Ən Dadlısı - İrəvan Kətəsi Respti

Azərbaycan mətbəxindən Şirniyyat resepti.
Hazırda Ermənistan paytaxtı olan Erevan şəhəri Azərbaycan türklərinə məxsus tarixi ərazi olub. İrəvan sözünün mənası "ir" yəni "ər" və ya "kişi", "avan" sözü isə "ölkə", "yer" kimi tərcümə olunur. Bütövlükdə İrəvan "ərlər ölkəsi " anlamını daşıyır. Məhz bu variant dünya alimləri tərəfindən qəbul edilib. Ermənilər isə, əsassız şəkildə Erivan sözünü NUH peyğəmbərin adı ilə bağlayır və Erivan toponiminin onlara xas olduğunu iddia edirlər. İrəvan daim öz zəngin mədəniyyəti, təbiəti, mətbəxi ilə diqqət mərkəzində olub.

Bugün tarixi bölgəmizə məxsus kətə hazırlayacağıq. İrəvan kətəsi uşaqlıqdan hər birimizin kətə kimi tanıdığımız və sevdiyimiz şirniyyat növüdür.

Xəmiri hazırlaçaq üçün ilk öncə bir qabda un və yağı qarışdırıb umac hazırlayın. Üzərinə xama və sirkədə söndürülmüş soda əlavə edib yumuşaq xəmir yoğurun. Xəmiri kənara qoyub içliyi hazırlayın.
İçliyi hazırlamaq üçün eyni qaydada umac hazırlayıb, üzərinə şəkər tozu və vanil əlavə edib qarışdırın. Xəmiri kündələrə ayırıb, oxlovla yayın və içərisinə içlik səpib bükün. Ziqzaqlı bıçaqla istədiyiniz formada kəsin. Kətələri yağlı kağız sərilmiş soba sinisinə düzün. Üzərinə yumurta yaxıb əvvəlcədən 200 dərəcə qızdırılmış sobada 20 dəqiqə bişirin.