Tortlarınızı Güzgü Kimi Edən Qlazur Resepti

Türkiyə mətbəxindən Qlazur resepti.
Parlaq qlazur və ya qlyassaj- tortlar üçün çox məşhur və dəbdə olan parlaq örtükdür. Bu örtük tortlarınıza fərqli görünüş verərək güzgü kimi edir. Mir.az şokoladlı parlaq qlazurun reseptini təqdim edir.

İlk öncə 12 qram jelatini 60 qram soyuq suyla qarışdırın. Dərin bir qazanda 240 qram şəkər tozu və 80 qram suyu qarışdırıb zəif ocaqda qaynadın. 80 qram kakaonu qaynayan siropun üzərinə ələyin və dayanmadan qarışdıraraq 1-2 dəqiqə qaynadın. 160 qram yağlı qaymağı qazancaya töküb ilıdın. Ocaqdan götürüb üzərinə suda köpürülmüş jelatini əlavə edib yaxşıca qarışdırın. Qaymaqlı-jelatinli kütləni şəkərli-kakaolu qarışığa əlavə edib qarışdırıb blenderlə yaxşıca çırpın (çalışın üzərində çoxlu qabarcıqlar qalmasın, yoxsa qlazur hamar olmayacaq). Qlazuru ələkdən keçirin. İstifadə etməzdən əvvəl bir neçə saat kənarda saxlayın. Tortlarınız bu parlaq qlazurla bəzəyə bilərsiniz.

NUŞ OLSUN 😋.