Pambıq Kimi Yumşaq : Blinçik Resepti

Türkiyə mətbəxindən Qəlyanaltı resepti.
Çox vaxt aparmadan zərif və yumşaq blinçik hazırlaya bilərsiniz. Mir.az məxmər kimi yumşaq blinçikin reseptini təqdim edir.

Bir qabda yumurta, şəkər tozu və duzu mikserlə, tel çırpıcıyla və ya sadəcə çəngəllə yaxşıca çırpın. Yumurta qarışığına südün yarı hissəsini( hardasa 100-150 ml )əlavə edib qarışdırın. Üzərinə ələnmiş unu da əlavə edib qarışdırmağa davam edin. Qalan südü və bitki yağını da töküb topaq qalmayacaq şəkildə qarışdırın. (Xəmir yağlı qaymaq kimi olacaq. )Blinçik tavasını çox az yağlayın və xəmirdən 1 qaşıq tökün. Xəmir dairəvi hərəkətlə nazik bir təbəqə halında tavanın dibini örtməlidir. Blinçiki ikitərəfli bişirin. Xəmir yağlı olduğundan tavanı hər dəfə yağlamağa ehtiyyac yoxdur,lakin xəmir yapışarsa hər dəfəsində tavanı azca yağlaya bilərsiniz. Xəmir qurtaranadək blinçikləri bişirin.

NUŞ OLSUN😋.