Bu Dəfə Moruqlu : Rafaello Resepti

Türkiyə mətbəxindən Konfet resepti.
Ev şəraitində çox dadlı və faydalı konfet hazırlaya bilərsiniz. Bu konfetin tərkibində olan moruq immuniteti gücləndirir, hətta ürək üçün də faydalıdır. Badam qan damarlarını qidalandırır, xolesterolla təsirli bir şəkildə mübarizə aparır. Kokos isə iltihabəleyhinə bir xüsusiyyətə malikdir. Faydaları sadalamaqla bitməyən bu konfet çəkisinə nəzarət edənlər üçün idealdır. Mir.az dadlı və faydalı moruqlu Rafaello konfetinin reseptini təqdim edir.

İlk öncə moruğu blenderlə əzin.( Dondurulmuş moruq istifadə edəcəksinizsə otaq temperaturuna gəldikdən sonra əzə bilərsiniz. )
Bir qaba moruq püresi, kəsmik, kokos, quru süd tozu və dadlandırıcı əlavə edib yaxşıca qarışdırın. Kütlədən kiçik parçalar qoparıb 15 ədəd kiçik toplar hazırlayın. Kiçik toplar şəklində olan konfetlərin orta hissəsinə qovrulmuş badam qoyub yuvarlayın və kokosa bulayıb soyuducuda yerləşdirin.
Soyuducudan çıxarıb otaq temperaturuna gəldikdən sonra çayın yanında süfrəyə verə bilərsiniz.

NUŞ OLSUN😋.