İspanaqlı , Pendirli : Ləzzətli Börək Resepti

Türkiyə mətbəxindən Börək resepti.
Özünüzü və ailənizi ispanaqlı, pendirli qeyri-adi və dadlı çörəklərlə sevindirin. Təzə bişmiş, isti, xırtıldayan qabığı ilə səhər yeməyi üçün bir fincan qəhvə ilə və axşam yeməyi üçün – şorba ilə də əladır. Mir.az ispanaqlı və pendirli börək reseptini təqdim edir.

Bir qabda ələnmiş unun üzərinə duz və maya töküb qarışdırın. Üzərinə bitki yağı, isti süd və isti suyu töküb xəmir yoğurun.
Yağlanmış qaba xəmiri qoyub üzərini örtün və 1-1,5 saatlıq isti yerdə saxlayın.
Mayalanan xəmiri dəzgahın üzərində 40×30 sm-lik düzbucaqlı formada yayıb üzərinə kəsmikli pendir çəkin. Daha sonra üzərinə doğranmış ispanaq və sürtgəcdən keçilmiş mazorella səpin.( Zövqə görə duz səpə bilərsiniz.) Geniş tərəfindən bükərək rulet forması verin və 9 hissəyə bölün.
Yağlanmış qəlibə hissələri çevirərək düzün. Üzərinə çəngəllə yüngül çırpılmış süd və yumurta qarışığını çəkib əvvəlcədən 170-180 dərəcə qızdırılmış sobada təxminən 1 saat bişirin. (Əsas odur ki, tələsməyin ki, yaxşıca bişsin. )Üstü qızarırsa və bişdiyinə əmin deyilsinizsə, formanı alüminium folqa kağızıyla örtüb bişirmə vaxtını artırın.
Bişdikdən sonra süfrəyə verə bilərsiniz.

NUŞ OLSUN😋.