Tərəvəzi Bol: Sacda Toyuq Filesindən Qovurma Resepti

07-02-2023, 23:36

+0 -0

Tərəvəzi Bol: Sacda Toyuq Filesindən Qovurma Resepti

Yemək Haqqında:

Türkiyə mətbəxindən Yemək resepti.
Bu dəfə sacda toyuq bişirməyə nə deyirsiniz? İndiyə qədər yediyiniz ən dadlı toyuq yeməyi olacağından çox əminəm.Tərkibində çoxlu soğan, sarımsaq və bibər olduğu üçün rəngarəng və doyumludur.
Mir.az doymaq bilməyəcəyiniz ən gözəl qovurma reseptlərindən birini təqdim edir: Toyuq filesi qovurma resepti!
Düyü, salat, şorba və ya duzlu xiyar ilə verildikdə gözəl nahar menyusu yaranır.
İstəsəniz lavaşa büküb yeyərək də ləzzət ala bilərsiniz.Bu ləzzəti qaçırmaq olmaz.İndidən sizə uğurlar!

NEÇƏ NƏFƏR ÜÇÜN

4 nəfərlik

HAZIRLIQ VAXTI

15 dəqiqə

BİŞİRMƏ MÜDDƏTİ

25 dəqiqə

Tərkibi:

2 ədəd yaşıl bibər
2 diş sarımsaq
2 ədəd qırmızı bibər
10 ədəd xırda soğanı (və ya 1 ədəd böyüksoğan)
2 ədəd toyuq filesi
1 ədəd pomidor
1 xörək qaşığı kərə yağı
1 xörək qaşığı tomat pastası (və ya pomidor püresi)
1 çay qaşığı üyüdülmüş qırmızı bibər
1 çay qaşığı kəklikotu
1 çay qaşığı duz
1 çay qaşığı qara istiot
5-6 xörək qaşığı maye yağ

Hazırlanma qaydası:

Maye yağ əlavə etdiyiniz sacı qızdırın.
Doğranmış toyuq filesini orta odda qəhvəyi rəng alana qədər qovurun.
Soğan, sarımsaq və bibər əlavə edib qovurmağa davam edin.
Sonra doğranmış pomidor və tomat püresi əlavə edin.
Ardı ilə ədviyyatları və kərə yağını da əlavə edib üç-dörd dəqiqə daha bişirin.
Bişdikdən sonra isti halda süfrəyə verin.

NUŞ OLSUN😋.