Azərbaycan dili dili fənni üzrə 9-cu sinif üçün dərslik - PDF

Əziz şagirdlər!
Sizə təqdim olunan 9-cu sinif “Azərbaycan dili” dərsliyi müəyyən bir ideya əsasında işlənib hazırlanmışdır. İl boyu dərsliklə işlədikcə, mətnlərin məzmunu ilə tanış olduqca həmin ideyanı müəyyənləşdirməyə çalışın.
Hər bölmənin əvvəlində sizə təqdim olunan epiqraflara, bölmələrin başlıqlarına diqqət yetirin, yoldaşlarınızla aşağıdakı suallar ətrafında fikir mübadiləsi aparın:

• 1-ci bölmə nə üçün “Dil, təhsil və cəmiyyət” adlandırılıb?
  
• Cəmiyyətin formalaşmasında təhsilin nə kimi əhəmiyyəti vardır?
  
• Bəs cəmiyyət şəxsiyyətin formalaşmasında hansı rola malikdir?
  
• Nə üçün dil insan keyfiyyətinin göstəricisi hesab edilir?
  

Dərsliyin sonunda çətin sözlərin izahlı lüğəti verilməmişdir. Azərbaycan dilinin keşiyində duran mübariz qoruyucular və bacarıqlı şagirdlüğətçilər kimi bu məsuliyyətli işi (lüğət tərtib etmək) yerinə yetirmək sizə həvalə olunur.