Jorj Sand "İndiana" PDF

1832-ci ilin aprel ayında çapdan çıxan “İndiana” romanı Jorj Sand təxəllüsü ilə fəaliyyət göstərən Avrora Düpenlin ilk əsəridir. Roman özündə romantizm, realizm və idealizmin ahəngini birləşdirir. Sevgi və nikah haqqındadır.

Əsas qəhrəman cismən zəif, ruhu möhkəm gənc qadın İndianadır. Qoca ərini sevməyən qadın sevgi axtarışındadır. Daxilində kimisə sevmək istəyi o qədər çoxdur ki, saf, təmiz , lakin lal məhəbbətləri görmür. Özünü yalançı birinin mübaliğəli hisslərinə həsr edir. İndiana səhvini başa düşəcəkmi?

Müəllif əsərdə göstərir ki, ailə həyatı dözülməzdirsə, qadının bu həyatı pozmağa və özünün istədiyi kimi hərəkət etməyə ixtiyarı vardır. Müəllifin fikrincə “İndiana” romanı ümumiyyətlə zülmə qarşı baş qaldırmış bir etirazdır.