Latın Amerikasına səyahət: Chili Con Carne Resepti

Meksika mətbəxindən Ətli yemək resepti.
Bu axşam şam yeməyi üçün Latın Amerikasına gedəcəyik. Ən ekzotik və açılı ləzzətləri ilə məşhur olan Meksikaya aid bir ət yeməyi hazırlayırıq. Sadə düyüyə nəfiz bir ləzzət verən qiyməli asan bir yemək.

Sizi mətbəxdən möhtəşəm şam yeməyi gözləyir. Hazırlıqlara başlayaq...

1. Soğan, bibər və sarımsağı çox kiçik-kiçik kub formasında doğrayın və kənara qoyun.

2. Ocağın üzərində geniş həcmli və altı qalın olan qazanı qızdırın, üzərinə yağ əlavə edib doğranmış soğan, bibər və sarımsağı qovurun. Tərəvəzlər yumşaq olduqda, bütün ədviyyatları əlavə edin və qızdırılana və aromasını verənə qədər qovurmaöa davam edin.

3. Qiyməni az-az qazana əlavə edin, qiymə suyunu buraxıb xırtıldayana qədər bişirməyə davam edin.

4. Qiyməyə tomat püresi, bulyon və tomat pastasını əlavə edib qarışdırın. Qaynamağa başlayandan sonra ocağın istisini azaldın, qazanın qapağını bağlayın və yemək qatılaşana qədər təxminən 1 saat bişirin. Qapaq balğlı qalsın ki, yemək öz buxarında bişsin. Hərdən qarışdırmağı unutmayın.

5. Yemək qatılaşdıqda, lobya əlavə edin və ən azı 15 dəqiqə birlikdə bişirin.

6. Yeməyi ocaqdan götürməzdən əvvəl tünd şokoladı əlavə edib qarışdırın.

7. Chili con carni servis edərkən, adi düyü, turşu jalapeno dilimləri, yaşıl yarpaqlar və limonla birgə masaya qoyun. Nuş olsun.