‘’ Toyuq filəli Sezar ‘’ salatı resepti

Türkiyə mətbəxindən Salat resepti.
Restoranlarda yediyinizdəndə ləzzətli evdə hazırlaya biləcəyiniz ‘’Toyuq Filəli Sezar ‘’ salatı. Əminəm ki , dadına doya bilməyəcəksiniz.

1.Toyuq filələrinə duz və qara bibər tozu səpin.
2. Qabda zeytun yağını qızdırdıqdan sonra toyuq filələrinin hər iki tərəfi rəng alana qədər yüksək odda qızardın. Onu aşağı temperaturda, əvvəlcədən isidilmiş sobada saxlayın ki, xidmət zamanı istifadə üçün soyumasın.

3.Salatı hazırlamaq üçün kahı yarpaqlarını bir-bir çıxarın. Bol suda yuduqdan sonra kağız dəsmalların köməyi ilə qurudun və soyuducuda saxlayın.

4.Sous üçün hamsini kiçik parçalara ayırın. Sarımsağa duz əlavə edib əzdikdən sonra hamsini də əlavə edib 1-2 dəqiqə əzin. Limon suyu,xardal, toz parmesan pendiri, worcestershire sousu, qara bibər tozu və yumurta sarısını və ya mayonezi əlavə edib qarışdırın.
5.Az-az zeytun yağı əlavə edib bütün maddələr homojen olana qədər qarışdırın.
6.Soyuducudan çıxarılmış kahı yarpaqlarını bıçaq dəymədən əllərinizlə iri parçalara ayırdıqdan sonra dərin bir salat qabına qoyun. Kub formasında qızarmış çörəkləri salatın üzərinə səpin. Sobada saxladığınız toyuq filələrini dilimlədikdən sonra süfrəyə qoyun.
7.Sousu salatın üzərinə tökün və bütün ərzaqları istədiyiniz kimi qarışdırın. Nəhayət, rəndələnmiş etdiyiniz parmesan pendirini salata əlavə etdikdən sonra gözləmədən sevdiklərinizlə paylaşın.