Faydaları saymaqla bitməyən, soyuq qış günləri içinizi isidəcək sümüklü şorba resepti

Türkiyə mətbəxindən Sulu yemək resepti.
Ən çox uşaqların və gənclərin immunitet sistemini gücləndirir. Sümük əriməsi problemi olan insanlarda ərimə riskini aşağıya salır. Həzm sistemini normallaşdırır, yaddaşı gücləndirir , daha ciddi qəza və yaraların sağalmasına kömək olur.
Bir sözlə , faydaları tükənməzdir.
İstəsəniz içərisinə tərəvəz , vermişel də əlavə edib daha doyumlu edə bilərsiz.

Sümükləri dərin bir qazana qoyub üzərinə soyulmuş soğan,sarımsaq, dəfnə yarpağı və qara bibər toxumu əlavə edin.Su əlavə edib aşağı istilikdə orta hesabla 1 saat qaynadın. Sümüklərin bütün ləzzəti suya keçənə və sümüklər bir qədər yumşalana qədər bu prosesi davam etdirin. Üzərindəki ətin də (əgər varsa)yumşaq olmasına diqqət edin.
Sümüklər öz ləzzətini və vitaminlərini suya tam hopdurduqda sümükləri, soğanı, sarımsağı, dəfnə yarpağı və qara bibər toxumunu götürün.
İstəyə görə içinə vermişel əlavə edin. Vermişel yumşalanda üzərinə duz əlavə edib zövqünüzə görə ədviyyatlar ata bilərsiniz.


NUŞ OLSUN ? .