1001 dərdin dərmanı- Boranı Şorbası Resepti

Azərbaycan mətbəxindən Şorba resepti.
Bu şorba bir az kəmşirin olur. Hətta boranını suda yox, sobada bişirsəniz lap ləzzətli alınır??
Əsas məsələ sağlıqlıdır.
Çalışın uşaqlara lap körpəlikdən alışdırın bütün dadlara

Soğanı bir az öldürüb üzərinə sarımsaq, kök və doğradığım boranını əlavə etdim. Bir az qovurdum ki, dadlı olsun.
Sonra üzərindən 2 barmaq yuxarı çıxana qədər qaynar su əlavə etdim. Duzunu istiotunu vurdum.
Boranı tam bişəndə suyunu başqa qaba töküb, blenderlə tərəvəzləri əzdim.
Suyu yenidən qazana töküb blenderlə yüngülcə təkrar əzdim.
Sonda isə üzərinə qaymağı əlavə edib qarışdıraraq 2-3 dəqiqə də bişirib, qazdan aldım.

Servis edərkən üzərinə qaymaq və boranı tumları səpə bilərsiniz.
Bu cür qaymaqlı şorbaları isə qurudulmuş çörəklə yeməyinizi tövsiyə edirəm??