Dadından Doymaq Olmaz : Sobada Badımcan Kababı Resepti

Türkiyə mətbəxindən Yemək resepti.
Badımcanlar halqa şəklində doğranılsın ,ədviyyatlı və sarımsaqlı kotletlər hazırlansın. Pomidor və bibər yuyulub doğransın və bir küncdə öz növbəsini gözləsinlər. Çünki bu gün dadlı bir resept üçün sizi mir.az saytına dəvət edirik.
Bəli, düz təxmin etdiniz, badımcan kababı hazırlayırıq. Badımcanları sobada bir müddət bişirdikdən sonra aralarına kotletləri qoyub ,üzərinə pomidoru, bibəri düzüb, sobada nar kimi qəhvəyi rəng alana qədər bişirin və ləzzətlə yeyirin.

*Badımcanların acı dadını çıxarmaq üçün onları duzlu suda 10 dəqiqə saxlayıb sonra istifadə edin.
*Acını sevirsizsə, yaşıl bibərlərinizi , qırmızı toz bibərinizi acı bibər kimi istifadə edə bilərsiniz.
*Bişirməzdən əvvəl 4-5 parça kərə yağı əlavə edərək yeməyinizi ləzzətləndirə bilərsiniz.

Böyük bir qabda 500 qram qiymənin üzərinə 2 ədəd sürkəcdən keçirilmiş soğan,yarım dəstə cəfəri,2 diş əzilmiş sarımsaq, 1 stəkan çörək qırıntıları və hər birindən 1 çay qaşığı duz, acı bibər, kimyon və qara bibər əlavə edib yoğurun.
Yoğurduqdan sonra yumurta böyüklüyündə kotletlər edin. Kotletləri iki barmaq qalınlığında doğradığınız badımcanla birlikdə sıra ilə düzüb soba qabına qoyun və boş yerləri pomidor ilə doldurun.
Sous üçün 1 xörək qaşığı tomat pastasını 1 stəkan qaynar su ilə ayrı qabda qarışdırın. 1 ədəd sürtkəcdən keçilmiş pomidor, hərəsindən 1 çay qaşığı duz, qara bibər və ən sonda 2 ədəd doğranmış yaşıl bibər və 1 diş əzilmiş sarımsağı əlavə edib yenidən qarışdırın.
Badımcan və kotletlərin üzərinə sousu və 1 stəkan suyu töküb 50-60 dəqiqə 200 dərəcə isidilmiş sobada bişirin.


NUŞ OLSUN ?.