Görünüşü ilə Damaqları Fəth Edir:Bəzəkli Peçenye Resepti

Türkiyə mətbəxindən Şirniyyat resepti.
Dadlı peçenye kərə yağı qoxusu ilə gəlir, ağızda dağılır, ucundakı şokoladı ilə damaqları fəth edir ; bu resept o peçenyelərdəndir.
Çay saatlarınıza tam uyğun olan bu peçenye o qədər də tez köhnəlmir, xarab olmur, görünüşü ilə ləzzət verir. Üstəlik, elə bil şirniyyat evindən gəlib. Bu gözəlliyi hazırlamaq cəmi 10 dəqiqə vaxt aparır. Sonra onu ərinmiş şokoladla bəzəyib, fıstıq və badama batırıb zövqlə yeyə bilərsiniz.

*İstifadə etdiyiniz kərə yağı otaq temperaturunda olmalıdır. Üstünü bəzəmək üçün fıstıq və ya badam yerinə istədiyiniz hər hansı bəzəkdən də istifadə edə bilərsiniz.

Undan başqa bütün inqrediyentləri qaba töküb yaxşıca qarışdırın. Unu yavaş-yavaş əlavə edib ələ yapışmayan yumşaq xəmir yoğurun.
Hazırladığınız xəmirdən qoz böyüklüyündə parçalar götürüb yüngül ellips formasında yağlanmış soba qabına düzün.
Üstlərinə çəngəl ilə işarələr çəkin və əvvəlcədən isidilmiş 180 dərəcə sobada üstü qızılı rəng alana qədər təxminən 15 dəqiqə bişirin. Peçenyelər bişdikdən sonra sobadan çıxarıb soyuması üçün kənara qoyun. .
Şokoladı əridin və soyudulmuş peçenyelərin bir ucunu şokoladın içinə batırın. Şokolad donmazdan əvvəl onu tez fıstıq və ya badama batırıb donması üçün kənara qoyun.
Bu şəkildə bütün peçenyelərinizi bəzəyib servis edin.


NUŞ OLSUN ?.