Keçmişdən Gələn dadı - Monqolsayağı Ət Resepti

Monqol mətbəxindən Yemək resepti.
Ət yeməklərini və fərqli dadları kəşf etməyi sevənlər üçün əla reseptimiz var: Monqol əti. Son zamanlar dünya mətbəxinin ən məşhur yeməklərindən birinə çevrilən monqolsayağı ət indi bir çox restoranların menyusunda yer alır və çox populyardır. Bu reseptin ən fərqli ləzzətlərindən biri zəncəfildir. Tək başına istifadə etmək istədikdə acı və kəskin dadı olsa da, yeməklərdə və souslarda istifadə edildikdə gözəl ətir verir və acı dadı hiss etdirmir. Bu reseptdə zəncəfil soya sousu və qəhvəyi şəkərlə qarşılaşır.
Təzə soğan və küncütlə son toxunuşu edib dadına dad qatılır.
Sizə bu yeməyi bişirməyi və ortaya çıxan o dadı hiss etməyinizi şiddətlə tövsiyə edirik. Yanına düyü və ya makaron qoyub servis edə bilərsiz.

Böyük bir qabda doğranmış əti acı bibər tozu ,alma sirkəsi, bal, zeytun yağı və qara istiotla qarışdırıb 2 saat soyuducuda marinadlayın.
Zəncəfil və sarımsağı zeytun yağı ilə tavada qoxusu çıxana qədər qızardın.
Sonra soya sousu, qəhvəyi şəkər, nar şərab və 250 ml su əlavə edib arabir qarışdıraraq qaynamağa qoyun.
Sous qaynadıqdan sonra ocaqdan götürün.
Marinadlanmış əti bir qabda qarğıdalı nişastası ilə qarışdırın və artıq nişastanı süzgəcdən istifadə edərək ətin üzərindən ələyin.
Əti tavada qızdırdığınız yağda çölü bişənə və içi bir az çəhrayı rəng olana qədər bişirib ocaqdan götürün. Yağını çəkməsi üçün kağız dəsmallardan istifadə edə bilərsiniz.
Ət və soya sousu qarışığını tavada birləşdirin və nişasta sousu qalınlaşana qədər orta istilikdə bişirin.
Ətə soğanın yaşıl hissələrini əlavə edin və ocaqdan götürün.
Servis zamanı üzərinə küncüt səpərək süfrəyə verə bilərsiniz.


NUŞ OLSUN ?.