Sobasız , Az Ərzaqla Bişməyən Tort Resepti

Türkiyə mətbəxindən Şirniyyat resepti.
Tort hazırlamaq üçün pandispaniya, krem hazırlamağa , uzun -uzadı gözləməyə ehtiyac yoxdur! Daha az inqrediyentlə indiyə qədər hazırladığınız ən dadlı, yumşaq tortlardan birini hazırlamağa hazır olun. Lazım olan inqrediyentləri bir araya gətirib qısa zamanda tort hazırlaya bilərsiz. Sobadan istifadə etmədən hazırlanan dadlı,bişməmiş tort reseptini mir.az saytı təqdim edir.
Şirniyyat hazırlamağı yeni öyrənənlər və qısa zamanda tort hazırlamaq istəyənlər üçün əla bir reseptdir. Sizə lazım olan tək şey onun soyuması üçün səbrli olmaqdır.

Peçenye və fındıqları doğrayıcıdan keçirdib böyük bir qaba qoyun.Üzərinə ərinmiş kərə yağı və süd əlavə edib əlinizlə və ya qaşıqla yaxşıca qarışdırın.
Dəyirmi kələpçəli tort qəlibinin altına yağlı kağız sərib qarışığı əlavə edin və stəkanın köməyi ilə möhkəm basdırıb soyuducuya qoyun.
Əvvəlcə 1 stəkan süd və krem şantini mikserlə çalın. Daha sonra pudinq və 1 stəkan südü eyni şəkildə çalıb üst -üstə töküb qaşıqla ( spatula ilə ) qarışdırın.
Sonra Hindistan cəvizi tozunu əlavə edib qarışdırmağa davam edin.
Qarışığı qəlibdəki peçenyenin üzərinə töküb üstünü hamarlayın.
Üzərini streçlə örtüb ən azı 3-4 saat , mümkünsə bir gecə soyuducuda saxlayın.
Soyuducuda qalan tortun kənarlarını bıçaqla ehtiyatla sıyırıb qəlibdən çıxarın.
Üstünə sürtkəcdən keçilmiş tünd şokolad səpib, dilimləyib servis edə bilərsiz.


NUŞ OLSUN ?.