Unudulmaz Dad : Pomidor Souslu Badımcanlı Küftə Resepti

Türkiyə mətbəxindən Yemək resepti.
Xüsusi dəvət süfrələrinə uyğun ,hazırlanması çox çətin olmayan dadlı badımcanlı küftə yeməyi hazırlaya bilərsiniz. Mir.az bol pomidorlu sousda sobada badımcanlı küftə yeməyinin reseptini təqdim edir.

Badımcanların saplaq hissəsini kəsib uzun şəkildə dilimləyin. Uzun badımcan dilimlərini duzlu suya qoyub, acı suyu çıxıb ,suyun rəngi qaralanadək saxlayın.
Küftəni hazırlamaq üçün bir qaba qiymə, bibər tomatı, zeytun yağı, soğan, suxari tozu, sarımsaq, duz və istiotu əlavə edib qarışdırı və kiçik küftələr hazırlayın.
Badımcanları sudan çıxarıb kağız salfetlə quruladıqdan sonra azca qızmış zeytun yağlı tavada hər iki üzünü yüngül qızardın. Qızarmış badımcanların hər birinin içərisinə kiçik küftə qoyub bükün və diş çöpü batıraraq bərkidib soba qabına qoyun. Bu prosesi badımcan və küftələr qurtaranadək edin.
Pomidorlu sousu hazırlamaq üçün bir qaba rəndələnmiş pomidor, zeytun yağı, istiot, bibər tozu və isti suyu töküb qarışdırın və pomidorlu sousu badımcanların üzərinə gəzdirin. Soba qabının üzərini yağlı kağızla örtüb əvvəlcədən 180 dərəcə qızdırılmış sobada 30-35 dəqiqə bişirin. Sobadan çıxartdıqdan sonra çöpləri çıxarıb ,boşqaba düzüb servis edə bilərsiniz.


NUŞ OLSUN ?.