Pəhrizdə Olanlar Üçün Az Kalorili Paytaxt Salatı Resepti

Rusiya mətbəxindən Salat resepti.
Paytaxt” salatı uşaqlıq illərimizin və bayram süfrələrinin əvəzolunmaz salatıdır. Ancaq 21-ci əsrdə sağlam menyu tərtib edib pəhriz saxlayanlar bu ləziz daddan məhrum qalırlar. Bu reseptlə hazırlanan salat klassik reseptə görə daha az kalori ehtiva edir. Ənənəvi salata əla alternativ olan salatın 100 qramı 82 kaloridir. Mir.az pəhrizdə olanlar üçün azkalorili salatın reseptini təqdim edir.

Toyuq filesini suda bişirin. Başqa bir qazanda yumurta, kartof və yerkökünü də bişənə qədər qaynadın. İki yumurtanın sarısını kənara ayırın. Bişmiş kartof, yerkökü , toyuq filesi və yumurtanı kiçik kub formasında doğrayın.
Sousunu hazırlamaq üçün başqa bir qabda kənara ayırdığınız yumurta sarısını əzin. Üzərinə yumşaq kəsmiyi, xardal və limon suyunu əlavə edib yaxşıca qarışdırın. Salatı hazırlayacağınız dərin bir qaba doğranmış toyuq filesi, kartof, yerkökü, yumurta, təzə xiyar, turşu xiyar, konservləşdirilmiş yaşıl noxud və hazırladığınız sousu töküb qarışdırın. Zövqə görə duz əlavə edib süfrəyə verə bilərsiniz.


NUŞ OLSUN ?.