Yeni İldə Süfrələrinizə Yaraşacaq : Şaxta Baba Papağı Salatı Resepti

Azərbaycan mətbəxindən Salat resepti.
“Şaxta baba papağı” salatı Yeni il menyusu üçün əla seçimdir. Mir.az saytı görünüşüylə ən uşaqları sevindirəcək salatın reseptini təqdim edir.

Əvvəlcə kartofu,yumurtanı və toyuq filəsini bişirin ( toyuq filesi bişərkən içinə duz əlavə edin ).
Qırmızı bibəri alüminium folqaya büküb sobada yarım saat bişirin. Daha sonra folqanı çıxarıb isti bibəri qazançaya qoyub 10 dəqiqə qapağı bağlı şəkildə saxlayın. Sonra bibərin üzərindəki nazik qabığını ehtiyyatla soyub zolaq formasında doğrayın.
Xiyarı, toyuq filesini ,bişib-soyuyan kartofun və 2 ədəd yumurtanın qabığını soyub kub formasında doğrayın( yumurtanın yarısını salatı bəzəmək üçün sürkəcdən keçirin, 1ni isə bütöv saxlayın ).Soğanın yarısını nazik doğrayın. Bütün doğranmış inqrediyentləri birləşdirib üzərinə duz və mayonez töküb qarışdırın. Hazırladığınız salatı bir boşqaba hündür yarımkürə formasında qoyub hər tərəfini bibər zolaqları ilə dairəvi formada örtün.
Kənara ayırdığınız bişmiş yumurtanın ağını sarısından ayırın. Bir yumurta sarısına bir az mayonez əlavə edib qarışdırıb top forması verin. Topu yumurta ağına bulayıb salatın orta hissəsinə yerləşdirin. Salatın dairəvi kənarlarını isə sürtkəcdən keçirilmiş yumurta ağı ilə bəzəyib servis edə bilərsiz.


NUŞ OLSUN?.