Yeni İl Süfrəsinin Bəzəyi : Sobada Almalı Gavalılı Toyuq Resepti

Türkiyə mətbəxindən Yemək resepti.
Fərqli ləzzət , aroma axtarışında olanlar üçün, bayram süfrəsində süfrənin ən dadlı təamlarından birini hazırlamaq istəyənlər üçün ideal seçim toyuq qızartmasıdır. Toyuğu qara gavalı və almalı içliklə doldurub sobada qızardın. Bayramın səhəri günü hamı sizin toyuğun dadından ,ləzzətindən ,aromasından danışacaq.

Bütöv toyuğu əvvəlcə azca qaynadın. Suyunu süzüb toyuğun üstünə və içərisinə bəkməz , zeytun yağı duz, istiot və karri qarışığı sürtün.
Turş almaları kub şəklində doğrayıb bir qabda uksus, şəkər tozu və su qarışdırıb almaların üzərinə səpin. Qara gavalını isti suda isladıb yumşaldıqdan sonra uzun çubuqlar şəklində doğrayıb alma ilə qarışdırıb toyuğun içərisinə doldurun. Toyuğu mətbəx sapıyla tikib üzərinə xardal yaxıb soba paketinə yerləşdirin. İçlik artıqdırsa toyuğun kənarına düzün. Əvvəlcədən 180 dərəcə qızdırılmış sobada 1 saat bişirin. (Əgər soba paketiniz yoxdursa alüminium folqaya büküb bişirə bilərsiniz). Bişməyə 10 dəqiqə qalmış folqa kağızını çıxarın ki,üzəri də qızarsın.
Bişmiş toyuğu zövqə görə süfrəyə kartof püresiylə də verə bilərsiniz.


NUŞ OLSUN ?.