Dadı Çox Fərqli : Bildirçin Dolması Resepti

Türkiyə mətbəxindən Yemək resepti.
Bildirçin əti tərkibindəki vitamin və minerallara görə digər quş ətlərindən daha faydalı hesab olunur. Ailənizin, övladlarınızın sağlamlığı üçün bildirçin əti əvəzedilməz qidadır. Bildirçin dolması ölkəmizdə çox nadir yeməklərdən biridir. Bildirçin əti çox geniş olaraq istifadə edilmədiyi üçün tapılması da çətindir. Adətən ov ilə məşğul olan insanlar bildirçin ətinin dadından xəbərdardırlar.
Sizdə vitamini bol olan bildirçin dolmasını hazırlayıb gələn qonaqlarınızın damağında əvəzolunmaz dad buraxa bilərsiz.

İlk öncə təmizlənmiş bildirçinləri yuyun.
Düyünü duzlu suda isladın.
Bir ədəd böyük ölçülü soğanı kub şəklində doğrayın.
Quş üzümlərini də eynilə düyü kimi ilıq suda saxlayın.
Tavaya 2 xörək qaşığı kərə yağını qoyub əritdikdən sonra bildirçinləri bir neçə dəqiqə qızardın.
Qalan 3 xörək qaşığı kərə yağını da tavada əridib soğanları yağda qovurun. Qızarmış soğanlara suda saxladığınız düyünü və quş üzümünü, duzu, istiotu , darçını və dolmalıq fıstıqları əlavə edib qarışdırın və təxminən 5 dəqiqə qovurun. Daha sonra 2 stəkan su əlavə edərək dolma içliyini bişirin. Bişmiş içliyi 20 dəqiqə kənarda saxlayın.
Qızarmış bildirçinləri hazırladığınız içliklə doldurub istiyədavamlı soba üçün şüşə bir qaba yerləşdirin və 2 stəkan da su əlavə edib əvvəlcədən qızdırılmış sobada təxminən 30 dəqiqə bişirin.
Sobadan çıxardığınız bildirçin dolmasını isti şəkildə servis edin.


NUŞ OLSUN😋.