Sobada Bişən Ləzzət : Xama Souslu Kələm Dolması Resepti

Türkiyə mətbəxindən Yemək resepti.
Nahar və ya şam yeməyi üçün sobada xamalı sousda bişən ləzzətli kələm dolması.

İlk öncə düyünü suda bişirib suyunu süzün.
Soğanı xırda doğrayıb yağda qovurub üzərinə sürtgəcdən keçirilmiş yerkökü əlavə edib 5-7 dəqiqə qovurun.
Bir qabda qiymənin üzərinə bişmiş düyü, qovrulmuş tərəvəzlər, duz və istiot əlavə edib qarışdırın.
Kələmi suda pörtlədin. Bişən kələm yarpağına içlikdən qoyub bükün. Odadavamlı şüşə qabı və ya soba qabını yağlayıb dolmaları düzün.
Təxminən yarım stəkan isti suda xama və tomat pastasını qarışdırıb dolmaların üzərinə tökün. Qabın üzərini alüminum folqa kağızıyla örtüb əvvəlcədən 180 dərəcə qızdırılmış sobada 45 dəqiqə bişirin. Sonda alüminum folqanı çıxarıb dolmaların üzəri qızarana kimi 5-10 dəqiqə daha sobada saxlayın. Bişdikdən sonra üzərinə xırda doğranmış göyərti səpib xama və ya qatıqla servis edə bilərsiniz.

NUŞ OLSUN😋.