Görünüşü Möhtəşəm : Bayram Süfrənizi Bəzəyəcək Gül Buketi Salat Resepti

Azərbaycan mətbəxindən Salat resepti.
Qarşıdan yeni il gəlir. Sizdə süfrələrinizdə həm görünüşü ,həm də dadı damaqlarda qalan ləzzət axtarırsızsa , bu resept sizin üçündür. “Gül buketi” həm dadıyla, həm də möhtəşəm görünüşüylə bayram süfrələrinizi bəzəyəcək. Hamı dadına, görünüşünə heyran qalacaq.

Salat üçün yerkökü, kartof və çuğunduru suda bişirin. Bişən tərəvəzləri sürtgəcdən keçirin.
Çuğundura mayonez və əzilmiş sarımsaq əlavə edib qarışdırın və kənara qoyun.
Az duzlu siyənək balığı filesinin dərisini soyub,sümüklərini çıxarıb kub şəklində doğrayın. Soğanı da xırda kub şəklində doğrayın.
Salatı hazırlayacağınız qaba ilk öncə doğranmış balığı ardı ilə soğanı düzüb mayonezləyin.Növbəti qata kartof düzüb mayonezləyin. Daha sonra yerkökü və bişib sürtgəcdən keçilmiş yumurta qatını da düzüb mayonezləyin. Salatın qatlarını tökdükcə ” dağ ” şəkli verib mayonezi salatın hər tərəfinə yaxın.
Blinçiki hazırlamaq üçün 2 ədəd yumurta, süd və kefiri qarışdırıb üzərinə soda ,un , bitki yağı və şəkər tozu töküb yaxşıca qarışdırın və xəmiri 15 dəqiqə kənarda saxlayın.
Daha sonra blinçik xəmirindən 2-3 mm qalınlığında blinçiklər bişirin. Bişib soyumuş blinçikin üzərinə kənara ayırdığınız sarımsaqlı-çuğundurlu qarışıqdan yaxın və rulet şəklində büküb 1,5-2 sm qalınlığında kəsin və salatın üzərinə yerləşdirin.
Rulonların aralarınada qalan boşluqları cəfəri yarpaqlarıyla doldurun. Salat hazır olduqda süfrəyə verə bilərsiniz.


NUŞ OLSUN😋.