Pəhrizdə Olanlar Üçün : Az Kalorili Toyuq Ruleti Resepti

Türkiyə mətbəxindən Qəlyanaltı resepti.
Pəhriz yeməklərinin padşahı olan toyuqdan həm doyumlu, həm də az kalorili qəlyanlaltı hazırlaya bilərsiniz. Toyuq ruleti pəhriz saxlayanlar üçün ideal qəlyanlaltıdır. Mir.az azkalorili toyuq ruletinin reseptini təqdim edir.

İlk öncə toyuğun filesini bir ədəd baş soğanla ətçəkən maşından keçirin.
Pendiri sürtgəcin iri gözündən keçirib üzərinə yumurta və xama əlavə edib qarışdırın.
30× 40 sm ölçülü kvadrat soba sinisinə alüminium folqa sərib pendirli kütləni siniyə yayın və əvvəlcədən 180 dərəcə qızdırılmış sobada 15-20 dəqiqə bişirin.
Tavada 1 ədəd baş soğanı xırda doğrayıb yağda qızılı rəng olanadək qovurun.
Soğanı çəkilmiş toyuq ətinə əlavə edin və duz, istiot töküb qarışdırın.
Soba sinisində bişən pendirli kütləni folqadan çıxarıb soyudub üzərinə toyuqlu qarışığı yayın və rulet şəklində bükün. Ruleti yenidən folqa kağızına bükün və siniyə qoyub 180 dərəcə qızdırılmış sobada 30 dəqiqə bişirin. Bişməyinə 10 dəqiqə qalmış folqanı açın və yenidən sobaya üzəri qızarması üçün qoyun.
Toyuq ruleti hazırdır. Dilimləyib süfrəyə verin.

NUŞ OLSUN😋.