Tənbəl Lahmacun : Sobada Hazır Lavaşdan Lahmacun Resepti

Türkiyə mətbəxindən Lahmacun resepti.
Sobadan yeni çıxmış isti, xırçıldayan bir lahmacunu hamımız sevirik . Xüsusilə evdə yemək bişirmək istəmədiyimiz vaxtlarda. Ağlımıza ilk pizza ya da lahmacun sifariş vermək gəlir. Amma evə gələnə qədər o xırçıltısı itir. Artıq həm xırçıldayan, həm isti, həm də istədiyiniz ləzzətdə lahmacun bişirmək, sifariş verməkdən daha asandır. Xəmir acıtma, açmaq yoxdur. Yalnız istədiyiniz kimi içliyi hazırlayın, təxminən on dəqiqə sonra da lahmacunlarınızın dadını çıxarın.

Dərin bir qaba 200 qram qiyməni əlavə edib üzərinə sürgəcdən keçilmiş pomidor,sarımsaq,soğan, qırmızı və yaşıl bibər,xırda doğranmış cəfəri, bibər və tomat pastası ,bitki yağı ,duz və ədviyyatlar əlavə edib əlinizlə yoğurun. Lavaşları dəzgahın üzərinə sərin və hazırladığınız qiyməli içlikdən qoyub əlinizlə yaxşıca yayın. Əvvəlcədən qızdırılmış 180 dərəcəli sobada üstü qızarana qədər bişirin.
Bişdikdən sonra sobadan çıxardın .
Üzərlərinə limon və cəfəri ( zövqə görə soğan ) əlavə edib isti halda süfrəyə verin.

NUŞ OLSUN😋.