Dadı Damaqlarda Qalacaq : Qiyməli Kartoflu Yemək Resepti

Türkiyə mətbəxindən Yemək resepti.
Nahara asan və ləzzətli qiyməli yemək hazırlaya bilərsiniz. Mir.az sobada qiyməli yeməyin reseptini təqdim edir.

İlk öncə kartofların qabıqlarını soyub barmaq qalınlığında samanvari doğrayın.
Tavaya yağ əlavə edib kartofları qızardın. Qızartdığınız kartoflara duz əlavə edin. Daha sonra qızaran kartofları soba qəlibinə yayın.
Eyni tavaya kub-kub doğranmış soğan və qiyməni əlavə edib qovurun. Üzərinə duz, istiot, sarıkök, şirin qırmızı bibər tozu, sarımsaq tozu və un əlavə edib qovurmağa davam edin. Pomidor püresi( və ya tomat ) və üzərini keçməyəcək qədər su əlavə edin. Ara sıra qarışdıraraq su çəkilənə qədər bişirin. Bişirdiyiniz qiyməni soba qabına əvvəlcədən qızardılmış kartofların üzərinə yayın. Holland pendirini də sürtgəcdən keçirib qiymənin üzərinə səpin. Əvvəlcədən 180 dərəcə qızdırılmış sobada pendir əriyib qızarana qədər bişirin.
Süfrəyə verdikdə üzərinə doğranmış göyərti səpə bilərsiniz.

NUŞ OLSUN😋.