Süfrələriniz Gül Açsın: Görünüşü Göz Oxşayan Gül Peçenyesi Resepti

Türkiyə mətbəxindən Şirniyyat resepti.
Ətirli çay və qəhvənin yanına süfrəyə verəcəyiniz qeyri-adi dizaynlı peçenye. Görünüşü, dadı qonaqlarınızı valeh edəcək. Mir.az görünüşüylə valeh edən gül peçenyesinin reseptini təqdim edir.

İlk öncə bir qabda kərə yağı, badam ekstraktı ,vanil ekstraktı və yumurtanı miskerlə yaxşıca çırpın. Üzərinə un və duz əlavə edib mikserin aşağı sürətiylə çırpmağa davam edin. Xəmiri 3 hissəyə bölün. Bir hissəsinə kakao, ikinci hissəsinə çuğundur şirəsi və ya çəhrayı rəng qida boyası əlavə edib qarışdırın. Xəmiri konditer torbasına doldurun və böyük ulduz başlığı taxın. Yağlı kağız sərilmiş soba sinisinə gül şəkli verərək xəmirdən aralıqlarla düzün. Kakaolu və çəhrayı rəngli xəmirləri də eyni qaydayla gül şəkli verərək siniyə düzün. Əvvəlcədən 200 dərəcə qızdırılmış sobada 5-8 dəqiqə və ya yüngül qızaranadək bişirin.
Krem üçün maskarpone pendirini şəkər tozuyla çırpın. Bişən gül peçenyesinin bir hissəsinə krem yaxıb ikinci hissəni birləşdirin. Eyni qaydayla kakaolu və çəhrayı rəngli xəmirləri də kremləyib birləşdirin. Peçenyelər hazır olduqdan sonra çayın yanında süfrəyə verə bilərsiniz.

NUŞ OLSUN😋.